ਵੀਰਵਾਰ, 10:10 a.m. PT — ਵੱਡੀ ਖ਼ਬਰ
B.C. ਕਨਜ਼ਰਵੇਟਿਵ ਪਾਰਟੀ ਦੇ ਲੀਡਰ ਜੌਨ ਰਸਟੈਡ ਨੇ ਆਪਣੀ ਲੀਡਰਸ਼ਿਪ ਤੋਂ ਅਸਤੀਫਾ ਐਲਾਨ ਦਿੱਤਾ ਹੈ। ਹਾਲਾਂਕਿ ਉਹ ਨੇਤਾ ਦੇ ਅਹੁਦੇ ਤੋਂ ਹਟ ਰਹੇ ਹਨ, ਪਰ ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਉਹ MLA ਵਜੋਂ ਕੰਮ ਜਾਰੀ ਰੱਖਣਗੇ।
ਇਹ ਫੈਸਲਾ ਉਸ ਤੋਂ ਇੱਕ ਦਿਨ ਬਾਅਦ ਆਇਆ ਹੈ ਜਦੋਂ ਪਾਰਟੀ ਦੇ ਬੋਰਡ ਨੇ ਉਨ੍ਹਾਂ ਨੂੰ ਇੱਕਤਰਫਾ ਤੌਰ ’ਤੇ ਹਟਾਉਣ ਦਾ ਐਲਾਨ ਕੀਤਾ ਸੀ — ਜਿਸਨੂੰ ਰਸਟੈਡ ਨੇ ਪਹਿਲਾਂ ਨਕਾਰ ਦਿੱਤਾ ਸੀ।
ਵੀਰਵਾਰ ਨੂੰ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਰਸਟੈਡ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੀ ਪਤਨੀ ਅਤੇ ਨਾਜ਼ਦੀਕੀ ਲੋਕਾਂ ਨਾਲ ਸਲਾਹ ਕੀਤੀ। ਉਨ੍ਹਾਂ ਨੂੰ ਲੜਾਈ ਜਾਰੀ ਰੱਖਣ ਲਈ ਕਿਹਾ ਗਿਆ ਸੀ, ਪਰ ਰਸਟੈਡ ਦਾ ਕਹਿਣਾ ਹੈ ਕਿ ਇਹ ਪਾਰਟੀ ਵਿੱਚ “ਗ੍ਰਹਿ-ਯੁੱਧ” ਦੀ ਸਥਿਤੀ ਪੈਦਾ ਕਰ ਸਕਦਾ ਸੀ।
“ਮੈਂ ਉਸ ਗ੍ਰਹਿ-ਯੁੱਧ ਨੂੰ ਅੱਗੇ ਵਧਾਉਣ ਲਈ ਤਿਆਰ ਨਹੀਂ ਸੀ,” ਉਹਨਾਂ ਕਿਹਾ।
ਰਸਟੈਡ ਨੇ ਨਿਰਾਸ਼ਾ ਜਤਾਈ ਪਰ ਪਾਰਟੀ ਅਤੇ ਪ੍ਰਾਂਤ ਪ੍ਰਤੀ ਆਪਣੀ ਵਚਨਬੱਧਤਾ ਦੁਹਰਾਈ। ਉਹਨਾਂ ਨੇ ਕਾਕਸ ਮੈਂਬਰਾਂ ਨੂੰ ਅਪੀਲ ਕੀਤੀ ਕਿ ਆਪਸੀ ਫਰਕ ਭੁੱਲ ਕੇ ਇਕੱਠੇ ਹੋ ਕੇ ਕੰਮ ਕਰਨ।
ਇਹ ਸੱਭ ਉਹ ਸਮੇਂ ਆਇਆ ਹੈ ਜਦੋਂ ਪਾਰਟੀ ਕਈ ਮਹੀਨਿਆਂ ਤੋਂ ਅੰਦਰੂਨੀ ਉਥਲ-ਪੁਥਲ ਦਾ ਸ਼ਿਕਾਰ ਸੀ। ਬੁੱਧਵਾਰ ਨੂੰ 39 ਵਿਚੋਂ 20 MLA ਨੇ ਇਕ ਚਿੱਠੀ ’ਤੇ ਦਸਤਖ਼ਤ ਕਰਕੇ ਰਸਟੈਡ ਦੀ ਲੀਡਰਸ਼ਿਪ ‘ਤੇ ਅਣਵਿਸ਼ਵਾਸ਼ ਜਤਾਇਆ।
ਪਾਰਟੀ ਦੇ ਬੋਰਡ ਨੇ ਦਾਅਵਾ ਕੀਤਾ ਕਿ ਰਸਟੈਡ “ਪੇਸ਼ਾਵਰ ਤੌਰ ’ਤੇ ਅਸਮਰੱਥ” ਹਨ — ਜੋ ਕਿ ਸੰਵਿਧਾਨ ਅਨੁਸਾਰ ਨੇਤਾ ਨੂੰ ਹਟਾਉਣ ਦੇ ਚਾਰ ਕਾਰਣਾਂ ਵਿਚੋਂ ਇੱਕ ਹੈ। ਰਸਟੈਡ ਨੇ ਹਾਲ ਹੀ ਵਿੱਚ ਲੀਡਰਸ਼ਿਪ ਰਿਵਿਊ ਵਿੱਚ 71% ਸਮਰਥਨ ਹਾਸਲ ਕੀਤਾ ਸੀ।
ਬੋਰਡ ਨੇ ਟ੍ਰੈਵਰ ਹੈਲਫੋਰਡ ਨੂੰ ਅੰਤਰਿਮ ਲੀਡਰ ਚੁਣਿਆ ਹੈ, ਹਾਲਾਂਕਿ ਰਸਟੈਡ ਦਾ ਕਹਿਣਾ ਹੈ ਕਿ ਸੰਵਿਧਾਨ ਅਨੁਸਾਰ ਇਹ ਫੈਸਲਾ ਕਾਕਸ ਨਹੀਂ, ਪਾਰਟੀ ਮੈਨੇਜਮੈਂਟ ਲੈਂਦੀ ਹੈ। ਹੋਰ ਅਪਡੇਟਸ ਅਤੇ
ਇਹ ਖ਼ਬਰ ਤੇ ਲਗਾਤਾਰ ਅੱਪਡੇਟ ਹੋ ਰਹੀ ਹੈ। ਸਾਡੇ ਨਾਲ ਬਣੇ ਰਹੋ
www.gkmmedia.com
#JohnRustad #BCConservative #BreakingNews #CanadaNews
Leave a Reply